LA MADONNA DI MUMPILERI (poesia dialettale)



La muntagna tempu arreri cu la lava vurricau la Madonna ‘i Mumpileri e li cosi ca ‘ncuntrau. ‘Ntra lu scantu e meravigghia l’abitanti e li so’ genti, l’acidduzzi e li cunigghia scumpareru tempu nenti. La chisuzza scumpariu, vurricata di la lava; pi miraculu di Diu la Madonna si salvava. Ca ristau misa sutta cu ‘ntè vrazza lu Bamminu, riparata ‘nta ‘na ‘rutta tantu tempu, pi distinu. Addoppu trentacincanni si va ‘nsonna ‘na carusa ca Maria, ‘a Matri granni, ‘nda ‘ddu puntu è ancora chiusa. La matina ‘n cacciaturi visti ‘a cani so, Stidduzza, ca arraspau pi du’ uri unni c’era ‘a Madunnuzza. Ci scavaru li cristiani cu lu picu e u marteddu e truvaru ‘ntatti e sani ‘a Madonna e ‘u Bammineddu. Cu li lacrimi, li genti si jttaru a facci sutta e gridaru tempu nenti “C’è Maria ‘nta ‘sta ‘rutta”. Doppu seculi la sciara si vistiu di culuri, s’allinchiu tutta para di jnestra, rosi e ciuri. Tanta fenti, senza affanni, veni a preja sempri ccà e Maria a nichi e granni tanti grazii ci fa. ‘Stati, ‘mmernu e primaveri ci su’ tanti cristiani e ‘nto chianu ‘i Mumpileri ci su’ canti e vuci arcani. ‘Nta la chiesa c’è Maria, Matri santa du Signuri, ca fa grazii e ni talia e n’assisti a tutti l’uri. Agosto 2015


Alfio Naso

Navigazione

Contatti

Santuario Giubilare di Catania
Madonna della Sciara
Via Mompileri, sn
Mompileri - Mascalucia (CT) - Italy

Email: info@madonnadellasciara.it
Telefono: +39 095 791 4117
Cellulare: 347 370 0375

Santuario e parrocchia

Il Santuario Arcidiocesano è anche sede della Parrocchia Maria Santissima Annunziata in Massannunziata.